“Qashqirlar makoni” seriali rejissyori Usmon Sinav 69 yoshida vafot etdi

2025 yil 20 mart kuni “Qashqirlar makoni” seriali va ko‘plab boshqa mashhur turk loyihalari kinorejissyori, prodyuser va ssenariy muallifi Usmon Sinav 69 yoshida vafot etdi. Bu haqda “Hurriyet Daily News” nashri xabar berdi.

Ma’lumotlarga ko‘ra, Usmon Sinav uzoq yillar davomida saraton kasalligi bilan kurashib kelgan. Oxir-oqibatda u shu kasallikdan vafot etgan.

Usmon Sinav 1956 yil avgust oyida Turkiyaning Burdur shahrida tug‘ilgan. U Istanbul davlat tasviriy san’at akademiyasida kino va televideniye sohasida tahsil olgan. 1979-1980 yillarda va 1980 yildan 1984 yilgacha “Grafika Lintas” reklama agentligida kopirayter bo‘lib ishlagan. 1984 yilda u o‘zining “Sinegraf” nomli prodyuserlik kompaniyasiga asos solgan. Keyinroq Mimar Sinon nomidagi san’at universitetining Kino va televideniye yo‘nalishi bo‘yicha diplom olgan. 1980 yillarning oxiridan boshlab u rejissyor sifatida filmlar suratga ola boshlagan.

Uning “So‘yla, qora dengiz”, “Qaysar sevgi”, “Qizil shafaq”, “Begunohlar”, “Yosamin”, “Qirol hayoti”, “Farishtalar uyi”, “Super ota”, “Yolg‘onchi”, “Ijodkor vafoti” va boshqa ko‘plab kino va seriallari kinoshinavandalari tomonidan sevib tomosha qilingan.