Qashqadaryoda 5 ta mashina to‘qnashdi

Qashqadaryo viloyatida 5 ta mashina ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar berdi.

Qayd etilishicha, kecha, 1 dekabr kuni soat 22:02 larda Qarshi shahar Beklar mahallasi hududi A.Temur  ko‘chasida sodir bo‘lgan. Haydovchi P.D. boshqaruvida bo‘lgan Lacetti-1 rusumli avtomobil A.Temur ko‘chasi tomonidan Qarshi shahar Jayxun ko‘chasi tomon harakatlanib borib, haydovchi M.A. boshqaruvida bo‘lgan Lacetti-2 rusumli avtomobilining harakat yo‘liga chiqib ketgan. Oqibatda yo‘lning o‘ng tomonida to‘xtab turgan haydovchi P.D. boshqaruvida bo‘lgan Lacetti-3, haydovchi T.S. boshqaruvida bo‘lgan Cobalt, haydovchi P.Sh. boshqaruvida bo‘lgan Tracker rusumli avtomobillariga kelib urilgan va yo‘l-transport hodisasi sodir etgan.

Oqibatda Lacetti-3 avtomobili salonida bo‘lgan yo‘lovchi tan jarohati olib shifoxonaga yotqizilgan. Hozirda mazkur holat yuzasidan surishtiruv harakatlari olib borilmoqda.

Eslatib o‘tamiz, avvalroq Toshkent shahrining Mirzo Ulug‘bek tumanida 5 ta avtomobil ishtirokida yo‘l-transport hodisasi sodir bo‘lgandi. YTH oqibatida hech kim tan jarohati olmagan.