Қашқадарёда 5 та машина тўқнашди

Қашқадарё вилоятида 5 та машина иштирокида йўл-транспорт ҳодисаси содир бўлди. Бу ҳақда вилоят Йўл ҳаракати хавфсизлиги бошқармаси хабар берди.

Қайд этилишича, кеча, 1 декабрь куни соат 22:02 ларда Қарши шаҳар Беклар маҳалласи ҳудуди А.Темур  кўчасида содир бўлган. Ҳайдовчи П.Д. бошқарувида бўлган Lacetti-1 русумли автомобиль А.Темур кўчаси томонидан Қарши шаҳар Жайхун кўчаси томон ҳаракатланиб бориб, ҳайдовчи М.А. бошқарувида бўлган Lacetti-2 русумли автомобилининг ҳаракат йўлига чиқиб кетган. Оқибатда йўлнинг ўнг томонида тўхтаб турган ҳайдовчи П.Д. бошқарувида бўлган Lacetti-3, ҳайдовчи Т.С. бошқарувида бўлган Cobalt, ҳайдовчи П.Ш. бошқарувида бўлган Tracker русумли автомобилларига келиб урилган ва йўл-транспорт ҳодисаси содир этган.

Оқибатда Lacetti-3 автомобили салонида бўлган йўловчи тан жароҳати олиб шифохонага ётқизилган. Ҳозирда мазкур ҳолат юзасидан суриштирув ҳаракатлари олиб борилмоқда.

Эслатиб ўтамиз, аввалроқ Тошкент шаҳрининг Мирзо Улуғбек туманида 5 та автомобиль иштирокида йўл-транспорт ҳодисаси содир бўлганди. ЙТҲ оқибатида ҳеч ким тан жароҳати олмаган.