Isroilning Jabaliyaga hujumi oqibatida yuzlab falastinlik halok bo‘ldi
Olam
−
31 Oktabr 2023 7388
Isroilning G‘azo sektori shimolida joylashgan Jabaliya qochqinlar lageriga uyushtirgan havo hujumi oqibatida yuzlab tinch aholi vakillari qurbon bo‘ldi. Bu haqda Falastin Ichki ishlar vazirligiga tayanib RIA Novosti xabar berdi.
"Dastlabki ma’lumotlarga ko‘ra katta portlashlardan so‘ng 400 nafar falastinlik o‘lgan yoki og‘ir yaralangan", deyiladi bayonotda.
HAMAS nazoratidagi G‘azo sog‘liqni saqlash boshqarmasi esa kamida 50 kishi halok bo‘lganini ma’lum qilgan.
Fojiali hujum ortidan HAMAS guruhi Isroil tomonini qochqinlar lageriga raketa hujumi uyushtirib, tinch aholini atayin o‘ldirayotganlikda aybladi.
Isroil Mudofaa kuchlari hozircha voqea yuzasidan izoh bermagan.
Eslatib o‘tamiz, avvalroq G‘azo sektorida Isroilning hujumi oqibatida halok bo‘lganlar soni 8525 nafarga yetgani haqida xabar berilgandi.
Live
BarchasiPutin xalqiga murojaat qildi.
21 noyabr
