Bugun Qarshi va Navoiyda ikki muhim bahs o‘tkaziladi

Sport

−

18 may 2019 visibility4386 timer1 daqiqa

Bugun O‘zbekiston Superligasining 9-turidan o‘rin olgan navbatdagi ikki o‘yin bo‘lib o‘tadi. Har ikkala bahs ham toshkent vaqti bilan 20:00 da boshlanadi.

Ushbu bahslardan biri – “Nasaf” – “Qo‘qon-1912” uchrashuvi aslida vodiyda o‘tkazilishi kerak edi. Ammo Qo‘qondagi stadion hali tayyor bo‘lmagani sababli ushbu o‘yin Qarshiga ko‘chirildi.

Ma’lumot uchun, “Nasaf” oxirgi uchta o‘yinda 2 g‘alaba va 1 durangga erishib, mag‘lubiyatsiz seriya qayd etmoqda. “Qo‘qon-1912” esa aksincha uch o‘yindan buyon g‘alaba qozona olmayapti.

Yana bir o‘yin Navoiydagi “Yoshlik” o‘yingohida o‘tkaziladi. Unda mahalliy “Qizilqum” jamoasi “Surxon” klubini qabul qiladi.

Ayni paytda surxondaryoliklar 12 ochko to‘plagan holda turnir jadvalining 5-pog‘onasida bormoqda. Navoiy shahri jamoasi esa 9 ochko bilan 9-o‘ringa joylashgan.

Maqola muallifi