Isroil Turkiyaning sabrini sinamoqda – Erdo‘g‘an

Turkiya Prezidenti Rajab Toyib Erdo‘g‘anning aytishicha, Isroil Turkiyaning sabr-toqatini sinovdan o‘tkazishda davom etmoqda, jumladan yadroviy qurol ishlatish tahdidi bilan. 

“Ular [Isroil] bizning mamlakatimiz hududlarini o‘z ichiga olgan va’da qilingan yer haqidagi illyuziyalari, shuningdek, yadro qurolidan foydalanish tahdidi bilan bizning sabr-toqatimizni sinab ko‘rmoqda”, deydi u mahalliy telekanallarda namoyish etilgan Anqarada nutqi chog‘ida.  

Erdo‘g‘an, shuningdek, Isroil tomoni “javobga tortilishini va butun insoniyat oldida qoralanishini” qayd etdi. 

“Kollektiv [xalqaro] vijdondan olgan kuchimiz bilan biz falastinliklarni har tomonlama qo‘llab-quvvatlashda davom etamiz. Biz butun Falastin xalqining, xususan, o‘z vatanini va o‘z hayotini himoya qilish uchun kurashayotgan G‘azo xalqining hayoti va mulki xavfsizligi ta’minlanmaguncha haqiqatni aytishdan to‘xtamaymiz”, deya qo‘shimcha qildi u.