Isroil turar-joy binosiga zarba berdi. 12 bola halok bo‘ldi
Olam
−
29 dekabr 2023 3450
Isroilning G‘azo sektori janubidagi Rafah shahridagi turar-joy binosiga bergan zarbasi oqibatida 12 nafar bola va 4 nafar ayol halok bo‘ldi. Bu haqda shifokorlarga tayanib, CNN xabar berdi.
Unga ko‘ra, jami 21 kishi halok bo‘lgan, o‘nlab kishilar yaralangan.
Bundan tashqari, Isroilning G‘azo sektoridagi Al-Mag‘ozi qochqinlar lageriga uyushtirgan navbatdagi zarbasi oqibatida kamida sakkiz kishi halok bo‘ldi. hujum bugun, 29 dekabr kuni tinch aholi bo‘lgan turar-joy binosiga uyushtirilgan.
Eslatib o‘tamiz, joriy yilning 25 dekabr kuni SAXALning Al-Mag‘ozi qochqinlar lagerini portlatishi oqibatida 70 ga yaqin odam halok bo‘lgandi.
