Isroil Madrimovning navbatdagi jangi sanasi va raqibi ma’lum
Sport
−
06 mart 2019 5839
O‘zbekistonlik bokschi Isroil Madrimov joriy yilning 9 mart kuni AQSHda o‘zining professional boksdagi ikkinchi jangini o‘tkazadi. Bir necha soat avval uning navbatdagi raqibi nomi ham ma’lum bo‘lgan.
Unga ko‘ra, Madrimov venesuelalik Frenk Roxasga qarshi ringga chiqadigan bo‘ldi. Ma’lumot uchun, Frenk shu paytgacha professional boksda 26 marta ringga ko‘tarilib, 24 bor zafar quchgan. G‘alabalarining 23 tasida raqibini nokautga uchratgan va 2 bor mag‘lub bo‘lgan.
Isroil Madrimov ayni damda WBA yo‘nalishi bo‘yicha jahon reytingining to‘qqizinchi pog‘onasida turibdi.
