Isroil G‘azodagi janglarni istalgan vaqtda qayta boshlashga tayyor – Netanyaxu

Isroil Bosh vaziri Binyamin Netanyaxu Isroil G‘azo sektoridagi janglarni “har qanday vaqtda” qayta boshlashga tayyorligini aytdi va jangovar maqsadlariga “muzokaralar yoki boshqa vositalar orqali” erishishga va’da berdi. Bu haqda u kecha, 23 fevral kuni jangovar zobitlarni taqdirlash marosimida so‘z ochdi.

“Biz har qanday vaqtda jadal harbiy amaliyotlarni tiklashga tayyormiz, operativ rejalarimiz tayyor. G‘azoda biz XAMASning uyushgan kuchlarining ko‘p qismini yo‘q qildik, lekin hech qanday shubha yo‘q – biz muzokaralar yoki boshqa vositalar orqali urush maqsadlariga to‘liq erishamiz”, dedi Netanyaxu.

G‘azoda 19 yanvarda boshlangan sulh Falastin hududidagi 15 oydan ortiq davom etayotgan vayronagarchilikli janglarni asosan to‘xtatdi. Sulhning birinchi bosqichi mart oyi boshida tugaydi, biroq urushni butunlay tugatishga olib keladigan rejalashtirilgan keyingi bosqich bo‘yicha muzokaralar hali amalga oshirilmagan.

Isroil 22 fevral kuni G‘azoda HAMAS tomonidan ozod qilingan olti isroillik garovga olinganlar evaziga 600 dan ortiq falastinlik mahbusni ozod qilishi kutilgan edi. Biroq Netanyaxu mahbuslarni ozod qilish kechiktirilishini ma’lum qildi.