Ispaniyada F-18 harbiy samolyoti halokatga uchrab, portlab ketdi (video)
Olam
−
20 may 2023 6455
Ispaniyaning Saragosa shahridagi harbiy bazada F-18 qiruvchi-bombardimonchi samolyoti halokatga uchradi. Bu haqda “El Mundo” xabar berdi.
Ma’lum qilinishicha, voqea mahalliy vaqt bilan soat 12:10 da sodir bo‘lgan. Uchuvchi ko‘rgazmali chiqish davomida havo manyovrlarini amalga oshirayotgan paytda samolyot qulab tushgan. Sabablari esa hozircha noma’lum. Biroq uchuvchi halokatdan biroz oldin katapulta qilishga va sakrab qolishga muvaffaq bo‘lgan. Shunga qaramay, u oyoq qismidan jarohat olgani aytilmoqda.
Videodan ko‘rish mumkinki, samolyot qulaganidan so‘ng portlab ketgan va yong‘in kelib chiqqan. Voqea joyiga yetib kelgan o‘t o‘chiruvchilar bir necha daqiqa ichida yong‘inni bartaraf etgan.
Mahalliy nashrlarning xabar berishicha, hozirda qulash sababi va voqea tafsilotlari o‘rganilmoqda.
Live
Barchasi
