iPhone 16 taqdimoti qachon bo‘lishi aytildi

Apple 10 sentyabr kuni iPhone va boshqa yangi mahsulotlarning yillik taqdimotini o‘tkazadi. Bu haqda “Bloomberg” xabar berdi.

Tadbir davomida kompaniya iPhone 16, Apple Watch Series 10 va asosiy Air Pod’larning yangi avlodini taqdim etishni rejalashtirmoqda. Bundan tashqari, ushbu minigarnituralar liniyasi birinchi marta ikkita versiyada taqdim etiladi.

O‘ninchi avlod Apple Watch kattaroq ekran va ingichka korpusga ega bo‘lishi kutilmoqda. Yangi iPhone 16 modullarning vertikal joylashuvi bilan yangilangan kamera dizayniga ega bo‘ladi. Pro versiyalarida esa kattaroq ekranlar va yaxshilangan kameralar o‘rnatiladi. Shu bilan birga, butun iPhone 16 liniyasi Apple Intelligence AI tizimini qo‘llab-quvvatlaydi, avvalgi modellarda esa AI faqat iPhone 15 Pro va Pro Max’da ishlagan.

iPhone 16 butun dunyo bo‘ylab 10 sentyabrdagi taqdimotdan o‘n kun keyin, 20 sentyabrda sotuvga chiqishi mumkin. 

Bundan tashqari, ta’kidlanishicha, Apple kompaniyasining M4 chiplari bilan to‘rtta yangi Mac kompyuter modellarini ichki sinovdan o‘tkazishni kuchaytirmoqda. Gap Mac mini, ikkita MacBook Pro va iMac haqida ketayotgani taxmin qilinmoqda. Biroq yangilangan kompyuterlar taqdimoti keyinroq, ehtimol 2024 yil oktyabr oyida bo‘lishi mumkin.