Interpol rekord miqdordagi kiberjinoyatchilarni qo‘lga oldi

40 mamlakat huquq-tartibot idoralari ishtirok etgan keng miqyosli Interpol operatsiyasi davomida rekord miqdordagi kiberjinoyat gumonlanuvchilari – 5,5 ming kishi hibsga olindi. Bu haqda tashkilotning tegishli bayonotida ma’lum qilindi.

Qayd etilishicha, iyuldan noyabrgacha davom etgan operatsiya davomida huquq-tartibot idoralari xodimlari turli valyutalarda o‘g‘irlangan 400 million dollardan ortiq mablag‘ va virtual aktivlarni ham qo‘lga kiritishga muvaffaq bo‘lgan.

Interpolning aniqlik kiritishicha, operatsiya yetti turdagi kiberjinoyatlarga, jumladan telefon orqali firibgarlik, onlayn tanishuv firibgarliklari, internetda noqonuniy qimor o‘yinlarini tashkil qilish va hokazolarga qarshi kurashishga qaratilgan.

Qayd etilishicha, operatsiya natijasida Koreya Respublikasi hukumati Xitoy huquq-tartibot idoralari bilan hamkorlikda 1,9 mingdan ortiq kishi tan jarohati olgan va jami taxminan 1,1 milliard dollar o‘g‘irlangan jinoiy sindikatni fosh etishga muvaffaq bo‘lgan. Jinoiy guruhning kamida 27 nafar a’zosi qo‘lga olindi, ularning 19 nafariga nisbatan keyinchalik ayblov e’lon qilindi.

“Kiberjinoyatning oqibatlari halokatli bo‘lishi mumkin – odamlar o‘z jamg‘armalarini yo‘qotadi, biznes o‘z faoliyatini davom ettira olmaydi, raqamli va moliyaviy tizimlarga bo‘lgan ishonch susayadi. Kiberjinoyatning transchegaraviy xususiyati huquqni muhofaza qilish organlarining xalqaro hamkorligi muhimligini ta’kidlaydi”, deydi Interpol bosh kotibi Valdez Urkiza.