“International Job Organization” XBAning ishi sudga oshirildi

“International Job Organization – xususiy bandlik agentligi”ning mansanbdor shahslariga oid jinoyat ishi bo‘yicha tergov yakuniga yetdi. Bu haqda Jinoyat ishlari bo‘yicha Shayxontohur tuman sudi ma’lum qildi.

Jinoyat ishi yuzasidan sud tergovi harakatlari o‘tkazilishi uchun jinoyat ishlari bo‘yicha Toshkent shahar Shayhontoxur tuman sudiga yuborilgan.

“International Job Organization – xususiy bandlik agentligi”ning mansanbdor shahslari nisbatan jinoiy ish bo‘yicha dastlabki tergov yakuniga yetdi. Ular pul mablag‘larini noqonuniy jalb etish, firibgarlik va boshqa jinoyatlarda ayblanganlar.

E-Sud axborot tizimi orqali avtomatik taqsimlash jarayonida  jinoyat ishi tuman sudi sudyasi A.Ergashevning ish yurituviga kelib tushgan.

“International Job organization xususiy bankdlik agentligi” MCHJ mansabdor shaxslari 2019-2020 yillar davomida 2620 nafar fuqarolarimizni Germaniya, Polsha, Daniya va Shveysariya davlatlariga ishga yuborishni va’da qilib, har biridan 45,0 mln. so‘mgacha bo‘lgan to‘lovlarni qabul qilib,  jami 18,4 mlrd. so‘m pul mablag‘larni o‘zlashtirib yuborgan.

Tergov davomida mazkur MCHJ rahbari Sh.Abduraxmanov hamda uning 8 nafar jinoiy sheriklariga nisbatan JKning 168-moddasi 4-qismi “a,v” bandlari va boshqa moddalari bilan ayb e’lon qilingan va ularga nisbatan “qamoqqa olish” tarzidagi ehtiyot chorasi tanlangan.

Sud muhokamasiga yuborilgan  jinoyat ishi bo‘yicha yetkazilgan umumiy zararning 6 783 190 922 so‘mi undirilishi ta’minlangan bo‘lib, shundan 722 768 500 so‘m naqd pul mablag‘lari, 6 060 422 422 so‘mi esa xatlangan mol-mulklardir.

Mazkur jinoyat ishi hozirda jinoyat ishlari bo‘yicha Toshkent shahar Shayxontoxur tuman sudiga mazmunan ko‘rib chiqish uchun yuborilgan.

Shuningdek, “International Job organization xususiy bankdlik agentligi” MCHJ mansabdor shaxslari tomonidan bir qator xo‘jalik yurituvchi sub’ektlar orqali pul mablag‘larni o‘zlashtirganlik holatiga oid qismi hozirda alohida ish yurituvga ajratilgan bo‘lib, mazkur jinoyat ishi doirasida 10 507 396 044 so‘mlik zarar qismi qoplanishi ta’minlangan, shundan 411 000 000 so‘m naqd pul  va 10 096 396 044 so‘mi xatlangan mol-mulklarni tashkil qiladi. Ushbu jinoyat ishi bo‘yicha ham qisqa muddatlarda tergovni tamomlash va sudga yuborish choralari ko‘riladi. 

Xulosa o‘rnida: Sudda ko‘rilayotgan va dastlabki tergov davom etayotgan jinoyat ishlari bo‘yicha yetkazilgan 18,4 mlrd. so‘m zararning 17,3 mlrd. so‘mi naqd pul va mol-mulk ko‘rinishida qoplanishiga erishilgan.

Xabar soat 11:00 da to‘ldirildi.