Instagram pullik obunani joriy qiladi
Texnologiya
−
20 yanvar 2022 6230
Instagram ijtimoiy tarmog‘i blogerlar o‘z kontentini yanada samaraliroq monetizatsiya qilishi uchun pulli obunalarni yaratish imkoniyatini taqdim etadi. Bu haqda ijtimoiy tarmoq rahbari Adam Mosseri ma’lum qildi.
“Joriy haftada biz kontent egalari yaxshiroq pul ishlashi uchun Instagram’da ilk obuna bo‘lish versiyasini yo‘lga qo‘yyapmiz”, deydi Mosseri.
Qayd etilishicha, yangi funksiya yordamida blogerlar auditoriyasini bo‘lishi va faqat ularga obuna bo‘lganlar uchun jonli efir, post va qisqa videoroliklar yaratishi mumkin bo‘ladi. Bundan tashqari, ijtimoiy tarmoq pullik obunachilarining izohlarini kontent yaratuvchilar uchun maxsus belgi bilan ajratib ko‘rsatadi. Yangi funksiya dastlab AQSHda sinovdan o‘tkaziladi.
Ma’lumot o‘rnida, Instagram 2012 yildan buyon Facebook kompaniyasiga tegishli. Joriy yilning 28 oktyabr kuni esa Mark Sukerberg Facebook Connect 2021 onlayn taqdimotida Facebook nomini Meta’ga o‘zgartirganini ma’lum qildi.
Live
Barchasi