Indoneziya “Tinchlik kengashi”dan chiqish bilan tahdid qildi

Indoneziya AQSH Prezidenti Donald Tramp tashabbusi bilan tuzilgan “Tinchlik kengashi” tarkibidan chiqish bilan tahdid qilgan birinchi davlat bo‘ldi. Mamlakat rasmiylari agar ushbu organ foyda keltirmasa va davlat manfaatlariga zid bo‘lsa, Jakarta kengashdan chiqishini bildirdi. Bu haqda kecha, 6 mart kuni Respublika Xalq Maslahat Majlisi raisi Ahmad Muzani ma’lum qildi.

Indoneziya Tashqi ishlar vaziri Sugiono Janubi-Sharqiy Osiyoning ushbu mamlakati qo‘shin yetkazib beruvchi asosiy ishtirokchi bo‘lgan birlashma doirasidagi G‘azo bo‘yicha muzokaralar Yaqin Sharqdagi urush tufayli to‘xtatilganini bildirgan.

“Barcha muhokamalar to‘xtatildi, chunki butun e’tibor Erondagi vaziyatga qaratildi. Shuningdek, biz hujumga uchrayotgan Fors ko‘rfazidagi do‘stlarimiz va hamkasblarimiz bilan maslahatlashamiz”, deydi u.

Indoneziya aprel oyi boshigacha taklif etilayotgan ko‘p millatli tinchlikparvar kuchlar tarkibida G‘azo sektoriga yuborish uchun 1000 nafar harbiy xizmatchini tayyorlamoqda.

Indoneziya hukumati G‘azo sektoridagi vaziyatni tartibga solish uchun tashkil etilgan xalqaro “Tinchlik kengashi”dan chiqish ehtimoli haqida AQSH va Isroilning Eronga qarshi harbiy operatsiyasi boshlanganidan keyin o‘ylay boshlagan. Bu haqda Xalq maslahat kongressi raisi Ahmad Muzani ham ma’lum qilgan.