Import tovarlarga kvotalar belgilanadi

Jamiyat

image

Vazirlar Mahkamasining joriy yilning 2 dekabridagi 728-son qarori bilan Import qilinadigan tovarlarga nisbatan tarif kvotalarini qo‘llash tartibi to‘g‘risidagi nizom tasdiqlandi.

Nizomga muvofiq tarif kvotasi – ayrim turdagi tovarlarni bojxona hududiga olib kirishning muayyan davri mobaynida belgilangan miqdorda import qilinadigan tovarlarga nisbatan import bojxona bojlaridan kam stavkalardan foydalanishni nazarda tutuvchi tartibga solish chora-tadbirlari, belgilangan miqdordan ko‘p holatlarda import bojxona bojlarining amaldagi stavkalari qo‘llanilishi.

Kelib chiqishi boshqa mamlakatlardan bo‘lgan va O‘zbekiston bojxona hududiga olib kirilayotgan tovarlarga nisbatan tarif kvotasi hajmi, amal qilish muddati va import bojxona boji stavkasi Vazirlar Mahkamasi tomonidan belgilanadi.

Tarif kvotalari hajmlari Investitsiyalar va tashqi savdo vazirligining qaroriga muvofiq import qiluvchilar o‘rtasida taqsimlanadi, O‘zbekiston Respublikasining xalqaro shartnomalarida boshqacha tartib belgilangan hollar bundan mustasno.

Investitsiyalar va tashqi savdo vazirligi Iqtisodiy taraqqiyot va kambag‘allikni qisqartirish vazirligi va Monopoliyaga qarshi kurashish qo‘mitasi bilan birgalikda iste’mol hajmlarini, ishlab chiqarish quvvatlarini va ichki bozor narxlarining o‘zgarishini inobatga olgan holda tarif kvotalarini joriy qilish bo‘yicha bir yilda kamida bir marta Vazirlar Mahkamasiga takliflar kiritadi.

Xo‘jalik yurituvchi sub’ekt tarif kvotalarini qo‘llash uchun Investitsiyalar va tashqi savdo vazirligiga ariza bilan murojaat qilishi lozim.

Ariza ko‘rib chiqilganligi uchun yig‘im undirilmaydi. 

Vazirlar Mahkamasi taqdim etilgan takliflar asosida tarif kvotalari hajmlarini belgilash yoki belgilamaslik, ularning muddatlari va boj stavkasi to‘g‘risida yakuniy xulosani qabul qiladi.

Investitsiyalar va tashqi savdo vazirligi tarif kvotasini joriy qilish to‘g‘risida OAVda va o‘zining rasmiy saytida berilgan e’longa muvofiq tarif kvotasi hajmlarini taqsimlash bo‘yicha 10 ish kunida rezidentlardan arizalar qabul qiladi.


Maqola muallifi

Teglar

import

Baholaganlar

67

Reyting

3.2

Maqolaga baho bering

Doʻstlaringiz bilan ulashing