Ilon Maskning qiyofadoshi topildi

Xitoylik yigit ijtimoiy tarmoqlarda SpaceX va Tesla kompaniyalari rahbari Ilon Maskka o‘xshash bo‘lgani uchun mashhur bo‘lib ketdi. Bu haqda “World of Buzz” nashri xabar berdi.

Video Facebook tarmog‘ida e’lon qilinganidan so‘ng 720 ta reaksiya, 237 ta sharh va 1.6 ming marta ulashishlar bilan juda katta auditoriya e’tiboriga tushgan. Tasvirda Maskning xitoylik qiyofadoshi dastlab bir necha so‘z aytib, so‘ng elektromobilga o‘tirganini ko‘rish mumkin. Xitoylikning tashqi ko‘rinishi Mask bilan bir xil bo‘lishidan tashqari, u hatto yuz ifodalari bilan ham milliarderga taqlid qiladi.

Kuzatuvchilar tabiatda bunday o‘xshashlik mavjudligiga ishonishmasligini aytib izoh qoldirgan. Biroq ba’zi foydalanuvchilar yumor qilish imkoniyatini ham qo‘ldan boy bermagan.

“Xitoyda hamma narsani topishingiz mumkin”, deydi foydalanuvchilardan biri.

Shuningdek, izohlar orasida Ilon Mask ismining aslida xitoy tilidagi “Yi Long Mask”, “Yilon Must, “ Elon Ma” nomlaridan kelib chiqqanini ilova qilganlar ham bor.

Avvalroq “Time” jurnali  Ilon Maskni “Yil odami” deya e’lon qilgani haqida xabar bergan edik.

Barno Dusiyarova