Ilon Mask aqldan ozmoqda – milliarderning biografi

Milliarder, X ijtimoiy tarmog‘i egasi Ilon Maskning biografi Set Abramson dunyoning eng boy odami aqlini yo‘qotib qo‘yishi mumkinligi haqida ogohlantirdi. Bu haqda biograf o‘zining X ijtimoiy tarmog‘ida post qoldirgan.

Garvard universitetida tahsil olgan biograf Maskning o‘sib borayotgan stressi, ruhiy kasalliklar tarixi va kuchli giyohvand moddalarni iste’mol qilishi tufayli “aqldan ozgan” bo‘lishi mumkinligini taxmin qildi.

“Men Ilon Mask aqldan ozgan bo‘lishi mumkinligiga ishonaman,” deb yozgan u.

Ma’lum qilishicha, u ikki yildan buyon Masknig fe’l-atvorini kuzatib keladi.

“Men Maskning biografiman. So‘nggi ikki yil davomida uning onlayn xatti-harakatlarini kuzatib bordim”, degan u.

48 yoshli Abramson Maskning ruhiy holati butun dunyo bo‘ylab yomon oqibatlarga olib kelishi mumkinligini qo‘shimcha qilgan.

Shuningdek, biograf tadbirkorning xavfli siyosiy va iqtisodiy qarorlarni ilgari surishidan ogohlantirgan.

Eslatib o‘tamiz, avvalroq Fransiya Prezidenti Emmanuel Makron X ijtimoiy tarmog‘i egasi, milliarder Ilon Maskni Yevropa siyosatiga aralashganlikda va butun dunyo bo‘ylab reaksion harakatni qo‘llab-quvvatlaganlikda ayblagandi.