Ilk bor inson miyasiga chip o‘rnatildi

Ilk marta odamga gadjetlardan fikrlar yordamida foydalanish imkonini beruvchi Neuralink neyrochipi o‘rnatildi. Bu haqda amerikalik milliarder Ilon Mask X ijtimoiy tarmog‘ida ma’lum qildi.

“Kecha birinchi odam Neuralink'dan implant oldi va yaxshi tiklanmoqda. Dastlabki natijalar asabiy tirqishlarni aniqlashning istiqbolli ekanligini ko‘rsatadi”, deb yozgan u.

Maskning so‘zlariga ko‘ra, mahsulot “Telepatiya” deb nomlanadi va birinchi navbatda oyoq-qo‘llari falaj bo‘lgan odamlarga o‘rnatiladi.

Neuralink loyihasi 2016 yilda ishga tushirilgan. U birinchi marta 2019 yil iyul oyida Bluetooth orqali miya signallarini uzatishga qodir qurilmasini ko‘rsatdi.

Qurilma qabul qiluvchi kapsula bo‘lib, u eshitish vositasi kabi quloq orqasiga o‘rnatiladi va undan ipga o‘xshash elektrodlar miyaga o‘tadi. Umuman olganda, miyaga 1,5 mingtagacha elektrodlar joylashtiriladi, ularning har biri inson sochidan to‘rt barobar yupqaroqdir. Bitta 4x4 mm protsessor 10 ming elektroddan olingan ma’lumotlarni qayta ishlaydi. USB-C kabeli maksimal ma’lumotlarni uzatish tezligini ta’minlaydi.