Ikki kun ichida Toshkent havosi ifloslangani aniqlandi

O‘zbekiston Respublikasi Gidrometeorologiya xizmati markazi Toshkent shahridagi ifloslanish darajasi ortgani haqida ma’lum qildi. 

Qayd etilishicha, joriy yilning 27 noyabr  va 28 noyabr kunlari  tongda Toshkent shahridagi meteorologik sharoitlar shaharning havo muhitida zararli moddalarning saqlanib qolinishiga  imkoniyat  yaratgan. Ruxsat  etilgan me’yor (REM)dan  yuqori bir kecha-kunduzlik konsentratsiyalar soni umumiy kuzatishlar soniga nisbatan 18% foizni tashkil  etgan. Bu  esa atmosfera ifloslanishining past darajasiga mos keladi.  

Nazoratdagi zararli moddalar konsentratsiyaning o‘rtacha miqdori 27 noyabrda quyidagini tashkil  etdi: chang – 0,0; uglerod oksidi – 0,7; oltingugurt dioksidi – 0,0; azot dioksidi – 1,3; fenol – 0,3; vodorod ftorid – 0,6; ammiak – 0,3 REM o‘rtacha qig‘mat.  

Statsionar postlarning kuzatuv ma’lumotlariga ko‘ra, quyidagi tumanlarda havoning ifloslanishi bir martalik REMdan ortgani qayd  etilgan.  

5 holatda – azot dioksidi: 

Yashnobod tumani         -18 post, 07:00-1,1 bir martalik REM.

Yaqqasaroy tumani      - 4 post, 07:00-1,1 bir martalik REM. 

Mirobod  tumani       -14 post,  07:00-1,2 bir martalik REM. 

Sergeli  tumani          -23 post, 07:00-1,1 bir martalik REM.

Qibray tumani            -28 post,  07:00-1,2 bir martalik REM.  

Boshqa tumanlarda olingan ma’lumotlar bo‘yicha yo‘l qo‘yilgan chegaraviy miqdorning bir martali qiymati bir martalik REMdan yuqori bo‘lgani kuzatilmadi.  

Sergelida formaldegid maksimal yig‘indisining quyidagi konsentratsiyalari kuzatildi: 27 noyabrda soat 07:00 – 0,004 mg/m3; 13:00 – 0,021 mg/m3; 19:00 – 0,000 mg/m3.  

Bir martalik REMdan formaldegid – 0,035 mg/m3, REM o‘rtacha qiymat formaldegid – 0, 003 mg/m3 qaysiki II guruh zaxarli (kuchli allergik) modda hisoblanadi.  

30 noyabr, 1-2 dekabr va 3 dekabr tongida Toshkent shahrining ob-havo sharoiti shahar havo muhitida zararli moddalarning bir oz yig‘ilishiga imkoniyat yaratadi. Ifloslanish darajasi past bo‘ladi.