Huawei barqaror rivojlanish natijalari bilan O‘zbekiston OAV vakillari bilan o‘rtoqlashdi

2023 yil 26 iyunda O‘zbekistonda Matbuot va ommaviy axborot vositalari xodimlari kuni arafasida Huawei kompaniyasi mahalliy OAV vakillari uchun kompaniyaning 2022 yil va 2023 yilning birinchi yarmidagi natijalari bilan tanishish maqsadida yillik press-brifing o‘tkazdi.

Huawei ofisida kompaniyaning O‘zbekistondagi bosh direktori mahalliy OAV vakillari bilan kompaniyaning 2022 yilgi yakunlari va 2023 yilning birinchi yarmi faoliyati bilan tanishish maqsadida an’anaviy press-brifing o‘tkazdi. Jurnalistlarga raqamli sanoat bo‘yicha hamkorlar bilan birgalikda amalga oshirilayotgan asosiy loyihalar, shuningdek, mamlakatimizda AKT infratuzilmasini yanada mustahkamlash, qayta tiklanadigan energiya manbalarini joriy yetish va mahalliy AKT iste’dodlarini rivojlantirishni qo‘llab-quvvatlash bo‘yicha rejalar haqida ma’lumot berildi.

Jurnalistlar Huawei kompaniyasining asosiy biznes bo‘linmalarining innovatsion yechimlari, jumladan, soddalashtirilgan, kam uglerodli saytlar asosida yashil tarmoqlarni qurish bo‘yicha telekommunikatsiya operatorlari yechimlari; korxonalar, davlat va ta’lim muassasalarini raqamlashtirish bo‘yicha korporativ va davlat segmenti uchun yechimlar; yashil va raqamli energiyani rivojlantirish bo‘yicha yechimlar, shuningdek, mamlakatda bulutli resurslarni yanada rivojlantirish bo‘yicha yechimlar bilan tanishtirildi.

HUAWEI Device  bo‘limi mutaxassislari hozirda O‘zbekiston mobil qurilmalar bozorida sotilayotgan smart-qurilmalar taqdimotini o‘tkazdi. Masalan, HUAWEI nova 10 seriyali smartfonlar, XMAGE ultra kamerali, mustahkam Kunlun oynasi,  HUAWEI SuperCharge tez quvvatlovchi va yuqori sig‘imli akkumulyatorga yega HUAWEI P60 seriyasining flagman qurilmalari, shuningdek, dinamik hayot uchun taqiladigan qurilmalar.

2022 yil davomida HarmonyOS operatsion tizimiga ega qurilmalar soni 330 milliondan oshdi va HarmonyOS Connect bilan 290 milliondan ortiq qurilmalar yetkazib berildi. Huawei Mobile Services (HMS) ekotizimi hozirda 200 000 ta ilova, 6 milliondan ortiq ro‘yxatdan o‘tgan dasturchilar va 580 million oylik faol foydalanuvchilari bilan dunyodagi uchinchi yirik mobil ekotizim hisoblanadi.

Brifingda Huawei kompaniyasi “Raqamli O‘zbekiston 2030” strategiyasi doirasida kompaniya ishtirokida amalga oshirilgan loyihalar, jumladan, SHHT sammiti arafasida Samarqandda 5G tarmog‘ining ishga tushirilishi hamda, Yelektron bulutga asoslangan hukumatlarni yanada rivojlantirish uchun asos yaratgan ma’lumotlarni saqlash va qayta ishlash markazi, yagona tarmoqni ishga tushirish bo‘yicha muvaffaqiyatli tajriba haqida qisqacha ma’lumot berdi.

Huawei barcha mahalliy aloqa operatorlari bilan doimiy ravishda hamkorlik qilib, innovatsion yechimlarni taqdim yetadi va tajriba almashadi. Shunday qilib, joriy yilning fevral oyida Raqamli texnologiyalar vaziri boshchiligidagi aloqa operatorlari va tartibga soluvchi organlar vakillaridan iborat delegatsiya Barselonadagi MWC mobil texnologiyalari sohasidagi eng yirik tadbirlardan birida Huawei stendiga hamda kompaniyaning Xitoydagi bosh qarorgohiga ham tashrif buyurdi. Joriy yilning may oyida Sian shahrida bo‘lib o‘tgan O‘zbek-Xitoy biznes forumida mamlakatda AKT infratuzilmasini yanada mustahkamlash va tarmoqlarni modernizatsiya qilish bo‘yicha kelishuvlar imzolangan yedi.

Respublikaning  IT-xizmatlari eksportini oshirish rejalarini qo‘llab-quvvatlash maqsadida Huawei va  IT Park Namangan va Termiz shaharlarida qo‘shma BPO-markazlarini ishga tushirish bo‘yicha loyihalarni amalga oshirmoqda. Loyihalar “aqlli” va “yashil” kampuslarni yaratish yechimlari asosida ishlab chiqilgan. Termiz shahridagi BPO-markazida intellektual qurilmalar ekotizimiga yega 30 ta ish o‘rni uchun shart-sharoit yaratilgan: kompyuterlar, Huawei monitorlari, innovatsion Wi-Fi  6 ulanish nuqtalari,  Ideahub interaktiv doskasi va markazni qayta tiklanadigan energiya bilan ta’minlash uchun binoning tomida o‘rnatilgan 10 kVt quvvatga ega quyosh fotoelektr stansiyasi, shular jumlasidan.

Huawei O‘zbekistonda o‘z faoliyatini amalga oshirar ekan, barqaror rivojlanish maqsadlariga amal qiladi va har yili ta’lim sohasini qo‘llab-quvvatlash va AKT iste’dodlarini tarbiyalash uchun asosiy e’tiborini qaratadi. “Seeds for the Future” global ta’lim loyihasi to‘qqizinchi yildirki O‘zbekistonning turli universitetlari talabalarini raqamli bilimlarini oshirish uchun  IT sohalari bilan birlashtirishda davom etmoqda. 2022 yilda kompaniyaning Toshkentdagi vakolatxonasidan gibrid formatdagi loyihada O‘zbekistonning 7 ta universitetidan 28 nafar talaba ishtirok etgan bo‘lsa, bu yil esa 11 ta universitet talabalari Qatar va BAAda mintaqaviy miqyosda ta’lim olish imkoniyatiga ega bo‘ladi.

“Green Uzbekistan” tashabbusi doirasida Huawei O‘zbekistonda ikkita: Birlashgan Millatlar Tashkiloti Taraqqiyot Dasturining “Green Aral Sea” va “Yuksalish” milliy harakatining “Green Aral Sea” eko-loyihalari bo‘yicha hamkorlikni davom ettirdi. 2020 yildan buyon “Green Aral Sea” loyihasi doirasida Orol dengizi tubini obodonlashtirish uchun 40 ming dona saksovul ko‘chati xarid qilish va ekishga ko‘mak berildi hamda “Yuksalish” milliy harakati bilan hamkorlikda qo‘shma Ekologik forum o‘tkazildi, Bo‘stonliq tumani Qoranko‘l qishlog‘ida Toshkent xalqaro ta’lim universitetida ko‘chatlar ekildi va Toshkent shahridagi 15 ta maktabga ko‘chatlar sovg‘a qilindi.

Huawei atrof-muhitni muhofaza qilish bo‘yicha korporativ ijtimoiy mas’uliyatni amalga oshirish, shuningdek qayta tiklanuvchi energiya manbalarini rivojlantirish sohasidagi loyihalarni amalga oshirish orqali O‘zbekistonning barqaror rivojlanishiga hissa qo‘shishda davom etish niyatida. O‘tgan yili “yashil” raqamli energiyaga o‘tishni jadallashtirish maqsadida O‘zbekiston Respublikasi Energetika vazirligi bilan hamkorlik o‘rnatildi. Joriy yilning fevral oyida esa Energetika vazirligi, viloyatlar hokimliklari, quyi tashkilotlar va sanoat korxonalari vakillaridan iborat delegatsiya Shenchjen shahridagi Huawei kompaniyasining bosh qarorgohiga tashrif buyurdi. 2023 yil may oyida Sian shahrida bo‘lib o‘tgan O‘zbek-Xitoy biznes forumi doirasida vazirlik bilan Huawei  yechimlarini O‘zbekistonda tatbiq etishni kengaytirish bo‘yicha keyingi harakatlarni belgilovchi memorandum tuzildi. Va hamkorlikni davom ettirishda, 2023 yil iyun oyida Huawei kompaniyasi mamlakatda qayta tiklanadigan energiya manbalarini yanada rivojlantirish bo‘yicha loyihalarni amalga oshirish uchun invertorlar yetkazib berish bo‘yicha shartnoma imzoladi.

Press-brifing yakunida Huawei kompaniyasining O‘zbekistondagi direktori janob Chen Szyakay OAV vakillariga kompaniya faoliyati va mamlakatda raqamli texnologiyalarni rivojlantirishga doimiy qiziqishlari uchun minnatdorchilik bildirdi hamda ularni kasb bayramlari bilan tabrikladi.

Reklama huquqi asosida