Happy birthday! – Mirziyoyev Narendra Modini 70 yoshi bilan qutladi
Jamiyat
−
17 Sentabr 2020 3265
O‘zbekiston Respublikasi Prezidenti Shavkat Mirziyoyev Hindiston Respublikasi Bosh vaziri Narendra Modiga uning 70 yoshlik tavallud ayomi munosabati bilan samimiy qutlovlarini yo‘lladi.
O‘zbekiston rahbari o‘z maktubida Hindiston Bosh vaziriga sihat-salomatlik, baxt-saodat va mas’uliyatli davlat lavozimidagi faoliyatida yangi muvaffaqiyatlar, do‘st Hindiston xalqiga esa tinchlik-omonlik va bardavom taraqqiyot tiladi.
Ma’lumot o‘rnida, Narendra Modi 1950 yilning 17 sentyabr kuni Hindistonning Vadnagar shahrida tavallud topgan. U mamlakatning o‘n oltinchi Bosh vaziri.
2014 yil Narendra Modi Bosh vazir lavozimiga saylangan.
2018 yilda u Forbes jurnali talqiniga ko‘ra dunyodagi eng nufuzli odamlar reytingida 9-o‘rinni egalladi.
Hindistonda ham, chet elda ham Modi juda ziddiyatli shaxs sifatida qaraladi. Uning 2002 yil Gujarat pogromidagi harakatlari qattiq tanqid qilindi. Xususan, u hind musulmonlarini himoya qila olmaganlikda ayblandi. Shunga qaramay, Modi Gujarot aholisi orasida katta hurmatga ega. U 2001-2014 yillarda Gujarot shtati Bosh vaziri bo‘lgan.
