Gvardiola Xolandga “Barselona”ga o‘tishni maslahat bergan

“Barselona” “Manchester Siti” hujumchisi Erling Xolandni o‘z safiga qo‘shib olmoqchi. Bu haqda “El Nacional” xabar berdi.

Kataloniya klubi Nike sport brendi bilan shartnoma imzoladi va bu shartnoma futbol tarixidagi eng foydali shartnomaga aylandi. Bundan tashqari, “Barselona” “Nitssa”dan “Manchester Yunayted”ga o‘tgan Jan-Kler Todiboning foizini oladi. Mablag‘ 8,5 million yevro atrofida bo‘lishi kutilmoqda.

Endi “ko‘k-anorranglilar” moliyaviy barqarorlikka qaytishlari mumkinligiga ishonmoqda va Erling Xoland bilan shartnoma imzolash imkoniyatlarini muhokama qilmoqda. 24 yoshli norvegiyalik futbolchining transferi klub prezidenti Joan Laportaning azaliy orzusi hisoblanadi.

Ma’lum bo‘lishicha, Xosep Gvardiola va norvegiyalik futbolchining o‘zi o‘rtasidagi suhbat muhim omil bo‘lib, unda ispaniyalik futbolchiga “Manchester Siti”ni tark etmoqchi bo‘lsa, “Barselona”ni tanlashni tavsiya qilgan. Pepning so‘zlariga ko‘ra, Erling Kataloniyada uzoq muddatli loyihaning asosi bo‘ladi.

Joriy mavsumda Xoland klub miqyosida 40 ta uchrashuvda 30 ta gol urdi va 4 ta golli uzatmani amalga oshirdi. Futbolchining klub bilan amaldagi shartnomasi 2034 yilning yoziga qadar mo‘ljallangan. “Transfermarkt” portalida berilgan ma’lumotlarga ko‘ra, futbolchining bozor qiymati 200 million yevroni tashkil qiladi.