Gruziya sobiq mudofaa vazirining uyidan qurol-yarog‘ va o‘q-dorilar topildi

Gruziya Ichki ishlar vazirligi xodimlari sobiq mudofaa vaziri David Kezerashvilining uyida tintuv o‘tkazdi. Bu haqda mamlakat Ichki ishlar vazirligi xabar berdi.

IIVga ko‘ra , tintuv chog‘ida huquqni muhofaza qiluvchi organlar xodimlari tomonidan xonadondagi maxsus yashiringan joydan ro‘yxatdan o‘tgan va ro‘yxatdan o‘tmagan o‘nlab o‘qotar qurollar, o‘q-dorilar, kompyuter texnikasi va xotira kartasi olib qo‘yilgan.

Ma’lum qilinishicha, uyda avval David Kezerashvilining kuyovi, Dimitri Chikovani yashagan.

Ichki ishlar vazirligi Gruziya Jinoyat kodeksining 225- va 239-moddalari bilan “zo‘ravonlikni tashkil etishda guruhga rahbarlik qilish yoki ishtirok etish hamda zo‘ravonlik harakatlarini sodir etishga ommaviy chaqiriqlar” bo‘yicha ishlarni tergov qilishni davom ettirmoqda.

Tergov doirasida ishda ishtirok etgan shaxslarning yashash joylarida tintuvlar o‘tkazilgan. Huquq-tartibot idoralari xodimlari tomonidan idoralar va turarjoy binolari tintuv qilinishi natijasida ashyoviy dalil sifatida: o‘qotar qurollar, ko‘p miqdorda naqd pul, xotira kartalari, kompyuter texnikasi, shuningdek, kaskalar, katta miqdordagi pirotexnika vositalari, elektr jihozlari olingan. Qolaversa, uydan “Molotov kokteyllari” deb ataladigan bo‘yoqlar, tegishli tekshiruvlar tayinlangan turli xil turdagi eritmalar ham topib olingan.

Eslatib o‘tamiz, avvalroq Gruziya Davlat xavfsizlik xizmati Tbilisida parlament binosi yonida davom etayotgan hukumatga qarshi namoyishlar hokimiyatni zo‘ravonlik bilan egallashga urinish bo‘layotganidan dalolat berayotgani haqida bayonot bergandi. DXXga ko‘ra, muayyan siyosiy partiyalar va nohukumat tashkilotlar Gruziyada hokimiyatni zo‘ravonlik bilan egallab olishdan manfaatdor. Gruziya razvedka xizmati Jinoyat kodeksining “Gruziya konstitutsiyaviy tuzumini majburan o‘zgartirish maqsadida fitna yoki isyon” moddasi bo‘yicha tergov olib bormoqda.