Gruziya rossiyalik erkaklar uchun chegarani yopmoqchi

north_east

Rossiya erkaklar uchun chegaralarni yopadi – OAV

Gruziyadagi “Yagona milliy harakat” partiyasi a’zosi Nona Mamulashvili mamlakatga kelayotgan odamlar oqimining ko‘pligi sababli, 26 sentyabrdan boshlab Rossiya bilan chegarani yopish rejasini e’lon qildi. Bu haqda RBK nashri xabar bermoqda.

“Gruziya hukumati hozirgacha mamlakatga ruslarning ommaviy oqimini to‘xtatish uchun hech narsa qilmadi. Bizga tushuntirishlaricha, ular dushanba kuni chegaralarni yopishadi. Bu hozirgi bosqichda ular qila olgan yagona ish”, deydi siyosatchi.

Uning so‘zlariga ko‘ra, kirish taqiqi birinchi navbatda 18 yoshdan 55 yoshgacha bo‘lgan erkaklarga ta’sir qilishi mumkin.

Qayd etish kerakki, 23 sentyabr kuni Gruziyadagi “Yuqori Lars” chegara postida 1700 ta mashinadan iborat rekord navbat paydo bo‘lgan.

Rossiya Federal Bojxona xizmatining ma’lumotlariga ko‘ra, eng ko‘p navbatlar (nazorat punkti oldidagi transport vositalarining soni) quyidagi punktlarda qayd etilgan:

•  “Yuqori Lars” (Gruziya bilan chegaradosh) - 1715 ta mashina;
•  “Kyaxta”  (Mo‘g‘uliston bilan chegaradosh) - 80 ta avtomobil;
•  “Burachki” (Latviya bilan chegaradosh) - 58 ta mashina;
•   “Ubilinka” (Latviya bilan chegaradosh) - 25 ta mashina.

Ma’lumot uchun, 21 sentyabrda Rossiyada safarbarlik boshlandi. Rossiya Prezidenti Vladimir Putinning so‘zlariga ko‘ra, rezervda bo‘lgan va tegishli harbiy mutaxassislik va jangovar tajribaga ega fuqarolar muddatli harbiy xizmatga chaqiriladi.

Shundan so‘ng, Gruziya, Finlyandiya, Mo‘g‘uliston bilan chegarada tirbandlik yuzaga kelishni boshladi. Istanbul, Yerevan, Bakuga navbatdagi to‘g‘ridan-to‘g‘ri reyslar uchun chiptalar tezlikda sotilib ketdi.

Qozog‘iston Milliy xavfsizlik qo‘mitasining xabar berishicha, 25 sentyabr kuni mamlakat chegara xizmati xodimlari mavjud nazorat-o‘tkazish punktini chetlab o‘tib, chegarani buzgan uch nafar rossiyalikni qo‘lga olgan.

Farangiz Salimova