Gruziya Bosh vaziri “Yangi O‘zbekiston” bog‘iga bordi
Jamiyat
−
04 mart 4459
Gruziya Bosh vaziri Irakliy Kobaxidze O‘zbekiston Bosh vaziri Abdulla Aripov hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ydi. Bu haqda Bosh vazir matbuot kotibi Bekzod Hidoyatov xabar berdi.
Yuqori martabali mehmon boshchiligidagi Gruziya delegatsiyasiga majmuaning me’moriy yechimlari hamda kompozitsiyasining mazmun-mohiyati va xususiyatlari haqida atroflicha ma’lumot berildi.
Ma’lumot uchun, ushbu tashrif dasturidan qator ikki tomonlama uchrashuvlar va hukumatlararo qo‘shma komissiya yig‘ilishini o‘tkazish, sanoat korxonalari faoliyati bilan tanishish hamda boshqalar o‘rin olgan.
Eslatib o‘tamiz, bugun, 4 mart kuni Gruziya Bosh vaziri Irakliy Kobaxidze rasmiy tashrif bilan Toshkentga kelgandi. Toshkent xalqaro aeroportida mehmonni Bosh vazir Abdulla Aripov va boshqa rasmiylar kutib olgandi.
Live
Barchasi
