Germaniyalik mashhur futbolchi vafot etdi
Sport
−
22 may 5472
Germaniya terma jamoasi bilan ikki karra jahon chempionatida sovrindor bo‘lgan futbolchi Karl-Xayns Shnellinger 85 yoshida vafot etdi. Bu haqda DPA agentligi xabar berdi.
Manbaga ko‘ra, Shnellinger Milandagi shifoxonada vafot etgan. U so‘nggi vaqtlarda Italiyada yashab, tadbirkorlik bilan shug‘ullanayotgandi.
Shnellinger Germaniyaning “Kyoln” va “Borussiya”, Italiyaning “Mantova”, “Roma” va “Milan” klublarida o‘ynagan. Faoliyati davomida uch marta Italiya kubogi, ikki marta Kubok egalari kubogi, bir martadan Yevropa kubogi va milliy chempionatda g‘olib chiqqan.
Germaniya terma jamoasi a’zosi sifatida Shnellinger 1966 yilgi jahon chempionatining kumush medali va 1970 yilgi jahon chempionatining bronza medali sovrindori bo‘lgan.
Live
Barchasi
