Germaniyada zumerlar ommaviy namoyişga tayyorlanmoqda

Germaniyaning 34 ta şahrida ommaviy namoyişlarda 160 mingdan ortiq odam iştirok etişi kutilmoqda. Bu haqda “Reuters” xabar berdi.

Bugun, 31 oktyabr kuni bölib ötadigan aksiyalarni “Gen Z regelt” (Zumerlar boşqaradi”) harakati taşkil etmoqda. Namoyişçilar ta’lim tizimiga köproq mablağ ajratiş, yaşaş xarajatlarini kamaytiriş va majburiy harbiy xizmatga qarşi talablarni ilgari surmoqda.

Ma’lumotlarga köra, namoyişlar Berlin, Frankfurt va Myunxen kabi yirik şaharlarda ham ötkaziladi. Aksiyalar Yevropaning boşqa mamlakatlarida kuzatilgan yoşlar norozilik harakatlari ortidan taşkil etilmoqda.

Germaniya rasmiylari namoyişlar asosan tinç ötişini kutmoqda. Biroq mamlakat Içki işlar vazirligi ekstremistik guruhlar uşbu harakatdan öz maqsadlarida foydalanişga urinişi mumkinligi haqida ogohlantirgan.

Xavfsizlik bilan boğliq xavotirlar sababli Berlindagi Kurfyurstendamm savdo köçasida joylaşgan ayrim dökonlar derazalarini yoğoç taxtalar bilan tösib, namoyişlar kuni ertaroq yopilişga tayyorgarlik körgan.

Gessen federal yeri Içki işlar vaziri Roman Pozek Fransiyadagi namoyişlar vaqtida yuz bergan talonçilik va politsiya bilan töqnaşuvlar Germaniyada takrorlanmasligi kerakligini aytgan.

Namoyiş taşkilotçilari esa hukumat yoşlarning muammolariga e’tibor qaratmayotganini ta’kidlamoqda. Myunxendagi aksiyada nutq sözlaşi kutilayotgan 18 yoşli Stiv hukumat yoşlar taşvişlariga javob beriş örniga xarajatlarni qisqartiriş va ularning zimmasiga qöşimça yuk yuklaşda davom etayotganini bildirgan.

Şu bilan birga, Germaniyadagi barça yoşlar taşkilotlari uşbu harakatni qöllab-quvvatlamayapti. Mamlakatdagi maktab öquvçilari milliy taşkiloti BSK “Gen Z regelt” taşabbusidan özini çetga olgan. Taşkilot joriy yilning 20 noyabr kuni alohida norozilik aksiyasini ötkazişni rejalaştirmoqda.

Berlin texnika universiteti talabasi Şon Beyker ham namoyişda qatnaşib, universitet binolarining yomon ahvoliga jamoatçilik e’tiborini qaratmoqçi. Uning aytişiça, talabalar muntazam tahsil oladigan ayrim xonalar taşlandiq binolarni eslatgan.

Eslatib ötamiz, avvalroq Fransiyada mamlakat böylab ötkazilişi rejalaştirilgan norozilik namoyişlari vaqtida jamoat tartibini saqlaş uçun 70 ming nafar politsiyaçi safarbar etilişi haqida xabar berilgan edi.