Germaniya va NATOning yana ikki a’zosi Grenlandiyaga qo‘shin yubormoqda

AQSHning Arktika mintaqasiga da’volari fonida NATOning uchta davlati – Germaniya, Shvetsiya va Norvegiya Grenlandiyaga qo‘shin yubormoqda.

14 yanvar kuni Germaniya Grenlandiyaga razvedka qo‘shinlari sifatida o‘nga yaqin askar yuborishini ma’lum qildi. Bu haqda “DW” xabar berdi.

Xabarga ko‘ra, Germaniya, Shvetsiya va Norvegiyadan harbiy xizmatchilar 15-17 yanvar kunlari razvedka missiyasi doirasida Grenlandiyaga boradi. Missiyaning asosiy maqsadi mintaqada xavfsizlikni ta’minlash yo‘llarini o‘rganish. 

"Maqsad Daniyani mintaqada xavfsizlikni ta’minlashda, masalan, dengiz kuzatuvi sohasida qo‘llab-quvvatlash uchun harbiy ishtirok imkoniyatlarini o‘rganishdir", dedi Germaniya Mudofaa vazirligi

Germaniya missiyada 13 nafar, Norvegiya 2 nafar, Shvetsiya esa bir nechta (aniq soni oshkor etilmagan) ofitserlarni yuboradi.

Ushbu missiya Daniya tomonidan nazorat qilinmoqda, bu esa operatsiya Qo‘shma Shtatlar bilan muvofiqlashtirilmagan holda amalga oshirilayotganini ko‘rsatadi, uning rasmiylari yaqinda orolga bo‘lgan hududiy da’volarini takrorlay boshladi.

Daniya va Qo‘shma Shtatlar 14 yanvar kuni Arktika orolining maqomi bo‘yicha muzokaralar olib borishdi. AQSH vitse-prezidenti J.D. Vancye va Davlat kotibi Marko Rubio bilan uchrashuvdan so‘ng, Daniya tashqi ishlar vaziri Lars Lokke Rasmussen mamlakatlar Grenlandiya masalasida "tubdan farq qiladigan pozitsiyalarga" ega ekanligini aytdi.

Ma’lumot o‘rnida, Vashingtonda bo‘lib o‘tgan uchrashuvda Grenlandiya tashqi ishlar vaziri Viviane Motzfeldt Oq uy bilan hamkorlikni kuchaytirishni istashini, ammo Grenlandiyaning Qo‘shma Shtatlarga tegishli bo‘lishini istamasligini bildirdi. 

AQSH Prezidenti Donald Trampning ta’kidlashicha, Arktika mintaqasida Rossiya va Xitoyning faolligi ortib borayotgan bir sharoitda Grenlandiya AQSH milliy xavfsizligi hamda mintaqaviy barqarorlikni ta’minlashda hal qiluvchi ahamiyatga ega

Amerika prezidenti ilgari Vashington Grenlandiya ustidan  "u yoki bu yo‘l bilan" nazoratni qo‘lga kiritishi kerakligini aytgan edi. Oq uy Donald Trampning bosh qo‘mondon sifatidagi "variantlaridan biri" Grenlandiyani anneksiya qilish uchun AQSH harbiylaridan foydalanish ekanini ta’kidlagandi.

Eslatib o‘tamiz, avvalroq Grenlandiya AQSHni emas, balki Daniyani tanlashini aytgani haqida xabar berilgandi.