“Garri Potter” ota bo‘ldi

Britaniyalik yozuvchi Joan Roulingning dunyoga mashhur kitobi asosida suratga olingan Garri Potter haqidagi filmlarda bosh qahramonni gavdalantirgan Deniyel Redkliff ilk bor ota bo‘ldi. Bu haqda CNN xabar berdi.

Kecha, 26 aprel kuni aktyorning vakili Deniyel Redkliff va aktrisa Erin Dark birinchi farzandli bo‘lganini tasdiqlagan. Lekin hozircha bolaning jinsi va tug‘ilgan sanasi oshkor etilmagan.

"Garri Potter" yulduzi va 38 yoshli Dark 2013 yilda “Kill your Darlings” dramasini suratga olish paytida birinchi marta uchrashgan. 2016 yilda esa ular "Don't Think Twice" dramasida yana birga ishlagan. Yaqinda Dark Redkliffning "Mo‘jizakorlar" seriyasining bir nechta epizodlarida ham paydo bo‘lgan. 

“Men farzandlarimning (ular qachondir bo‘lganida) kino suratga olish joylarida bo‘lishlarini istardim. Kino suratga olish maskanlari ajoyib joylardir. Biroq har qanday holatda ham shon-shuhratga berilishdan qochish kerak”, degan aktyor oldingi intervyularidan birida.

Hozirda 33 yoshda bo‘lgan Redkliff 12 yoshligida J.Roulingning xayoliy qahramoni, yetim qolgan sehrgar Garri Potter obrazi bilan millionlab tomoshabinlar mehrini qozongan. U 2001 yilgi "Garri Potter va hikmatlar toshi" filmidan so‘ng shu franshiza asosida olingan yana yetti kinoda bosh qahramonni gavdalantirgan.