“Garri Potter” kitobining birinchi nashri 13,5 ming dollarga sotildi
Bu qiziq
−
11 iyul 2023 3769
“Garri Potter va hikmatlar toshi” kitobining 1997 yildagi birinchi nashri Angliyada kimoshdi savdosiga qo‘yildi va 13,5 ming AQSH dollariga sotildi. Bu haqda “Mir24” nashri ma’lum qildi.
Auksionga qo‘yilgan nusxani bir necha yil avval havaskor kolleksiyachi sotib olgan. Keyinchalik eskirgan muqovali kitobning narxi 30 pens (taxminan 36 sent)ga tushgan va ingliz kutubxonalaridan birida saqlangan.
Mutaxassislar ushbu nusxa nashriyotning 1997 yilgi birinchi partiyasida chop etilgan 500 ta kitobdan biri ekanini tasdiqladilar. Auksionda kitob dastlabki bahodan ikki baravar va o‘z bahosidan 37 ming baravar qimmatroqqa sotildi.
Eslatib o‘tamiz, Rembrandtning noyob va ilgari noma’lum bo‘lgan ikki portreti “Christie” auksion uyida 14,3 million AQSH dollariga sotildi.
Sevara Husniddinova
