Fransiya rasmiylari Olimpiada mehmonlarini ogohlantirdi

Fransiya rasmiylari sayyohlar Parij Olimpiadasining ochilish marosimini tomosha qila olmasligini, chunki ular tadbirlar vaqtida xavfsizlikka tahdid bo‘lishi mumkinligidan ogohlantirdi. Bu haqda Ichki ishlar vaziri Jerald Darmanin ma’lum qildi. 

Darmaninga ko‘ra, xavfsizlikka oid maxsus tahdidlar aniqlanmagan, biroq ekstremistik guruhlar va faollar hujumlaridan tortib, Rossiya kiberhujumlarigacha bo‘lgan ehtimoliy tahdidlar ko‘p. O‘tgan o‘n yil ichida Fransiya qayta-qayta ekstremistlar nishoniga aylangan.

O‘tgan yilning oktyabr oyida ekstremistlikda gumon qilingan shaxs maktabga kirib, o‘qituvchini pichoqlab o‘ldirganidan so‘ng, mamlakatda terrorchilik hujumlari uchun eng yuqori darajadagi ogohlantirish holati kuzatilgan. Shuningdek, o‘tgan haftada bir kishi Parij meriyasi xodimidan Olimpiya o‘yinlari xavfsizligi rejalarini o‘g‘irlagan. 

Ochilish marosimiga 600 minggacha tomoshabin, jumladan, ko‘plab sayyohlar kelishi kutilmoqda. Hozirda Olimpiya musobaqalari o‘tkaziladigan shaharlarda istiqomat qiluvchi va ishlayotganlar orasidan kvotalar bo‘yicha tanlangan 222 ming kishi tantanali marosimni bepul tomosha qilish imkoniyatiga ega bo‘ladi.