Finlyandiyaning NATOga qo‘shilishi Leningrad harbiy okrugini tuzishga olib keladi – Putin
Olam
−
18 dekabr 2023 7817
Rossiya Prezidenti Vladimir Putin Finlyandiyaning NATOga qo‘shilishi Leningrad harbiy okrugini tashkil etishga olib kelishini aytdi. Bu haqda u “Moskva.Kreml.Putin” ko‘rsatuviga bergan intervyusida gapirib o‘tgan.
Qayd etilishicha, Putin Rossiya Federatsiyasining Finlyandiya bilan aloqalariga to‘xtalgan.
"Biz shu paytgacha mehribon va samimiy munosabatlarga ega edik", degan u.
Uning so‘zlariga ko‘ra, ikki davlat o‘rtasida avval hech qanday muammo bo‘lmagan.
"Ular shunga qaror qilsa, biz Leningrad harbiy okrugini tuzishga majbur bo‘lamiz va u yerda ma’lum harbiy qismlarni to‘playmiz”, deydi Putin Finlyandiyaning NATOga qo‘shilishi oqibatlari haqida gapirib.
Eslatib o‘tamiz, Xitoy Tashqi ishlar vazirligi rasmiy vakili Mao Ning NATOning sharqqa qarab yurishi blokning mintaqaviy mudofaa tashkiloti sifatidagi pozitsiyasiga mos kelmasligini aytgandi.
Live
Barchasi
