FIFA Eron talabini rad etdi – OAV

FIFA Eron futbol federatsiyasining Jahon chempionati o‘yinlarini Meksikaga ko‘chirish bo‘yicha iltimosini rad etdi. Bu haqda “Mexico News Daily” nashri xabar berdi.

Manbaga ko‘ra, FIFA Eronning Meksikaga ko‘chirish so‘rovini rad etishining asosiy sababi buni amalga oshirish uchun juda oz vaqt qolgan. Turnirni Qo‘shma Shtatlarda o‘tkazishda qolish qarori logistik qiyinchiliklar bilan bog‘liq. Xabarlarga ko‘ra, futbol bo‘yicha global boshqaruv organi o‘yinlarni boshqa davlatga ko‘chirish boshqa jamoalarga noqulaylik tug‘dirishini ta’kidlagan.

Logistika bilan bog‘liq qiyinchiliklar translyatsiya huquqlari, jadvallar va chiptalar savdosiga ham ta’sir qilishi mumkin. Muxlislar allaqachon Eron o‘ynaydigan stadionga chiptalarni sotib olgan.

Shuni ta’kidlash kerakki, 2026 yilgi FIFA Jahon chempionati tashkilotiga bu holat salbiy ta’sir ko‘rsatmaydi. Shu bois, Eronning ishtiroki endi har qachongidan ham shubhali. “The Guardian” xabariga ko‘ra, FIFA rasmiylari 30 aprel kuni Vankuverda uchrashadi va yakuniy qaror aynan o‘shanda chiqarilishi mumkin.

Ma’lumot uchun, Eron Jahon chempionati guruh bosqichi o‘yinlarida Misr, Yangi Zelandiya va Belgiya bilan to‘qnashadi. Eron guruh bosqichidan o‘tgan taqdirda Qo‘shma Shtatlar bilan 1/8 finalda uchrashish ehtimoli mavjud. “G” guruhida Eron, “D” guruhida esa Qo‘shma Shtatlar joylashgan. Agar har ikkala jamoa guruhda ikkinchi o‘rinni egallasa, ular joriy yilning 3 iyul kuni Texas shtati, Arlington shahrida 1/8 final o‘yini doirasida to‘qnashadi.