Fazodagi Yevropada hayot mavjudligi aniqlandi

NASA olimlari Yerdan tashqari, quyosh tizimida hayot mavjud bo‘lgan joyni aniqladi. Tadqiqot Yupiterning yo‘ldoshi – Yevropada munosib sharoitlar paydo bo‘lganligini ko‘rsatdi. Bu haqda “Eurekalert” xabar bermoqda.

Yevropa bir necha kilometr qalinlikdagi muzliklar bilan qoplangan. Ammo muz ostida okean yotadi. Olimlar undagi okean quyosh nurlaridan himoyalangan, degan xulosaga keldi. 

Yangi ilmiy ishlarning bir qismi sifatida mutaxassislar ushbu okeanning paydo bo‘lishi va evolyutsiyasi bosqichlarini ko‘rsatadigan kompyuter modelini ishlab chiqishdi. Bu yo‘lda 1989 yilda ishga tushirilgan Galileo sun’iy yo‘ldoshidan olingan ma’lumotlardan foydalanildi.

Natijalar Yevropada suvning tarkibida bo‘lgan minerallarning yo‘q bo‘lib ketishi, suvning ko‘tarilishi va radioaktiv yemirilish natijasida yuzaga kelganiligini ko‘rsatdi. Mualliflar tabiiy yo‘ldosh yadrosi, silikat qatlami hamda okeanning tarkibi va fizik xususiyatlarini modellashtirishga muvaffaq bo‘lishdi.

Minerallar turli xil chuqurlik va haroratlarda uchuvchi elementlarini yo‘qotishi ma’lum. Olimlar yer osti boyliklaridan chiqishi kerak bo‘lgan uchuvchi moddalarning massasini aniqlashdi va ular okeanning haqiqiy hajmiga mos kelishiga guvoh bo‘lishdi. Bu degani minerallar hali ham yo‘ldosh suvlarida mavjud.

Dastlab, Yevropa okeanida o‘rta darajada kislota, karbonat angidrid, kalsiy va sulfatning yuqori miqdori bo‘lgan. Endi uning tarkibi xlorid bilan boyigan va Yer okeanlarining tarkibiga yaqinroq bo‘lishi mumkin.

"Biz ishonamizki, bu okeanda hayot bor”, deya xulosa qildi olimlar.