Eyfel minorasida yong‘in chiqdi
Olam
−
24 dekabr 3202
Bugun, 24 dekabr kuni Fransiya poytaxti Parij shahrida joylashgan Eyfel minorasida yong‘in sodir bo‘ldi. Bu haqda BFMTV xabar berdi.
Qayd etilishicha, yong‘in signalizatsiyasi chalinganidan so‘ng mehmonlar evakuatsiya doirasida Eyfel minorasini tark etgan.
“Eyfel minorasida 24 dekabr kuni liftdagi qisqa tutashuvdan so‘ng yong‘in sodir bo‘ldi. Shundan so‘ng, mehmonlar evakuatsiya qilindi”, deyiladi telekanal xabarida.
Ma’lum qilinishicha, yodgorlikning ikkinchi qavatida texnik nosozlik yuzaga kelgan va bu mahalliy vaqt bilan 10:50 da yong‘in signalining chalinishiga sabab bo‘lgan.
Tashrif buyuruvchilarning hech biri xavf ostida qolmagan. Hudud tashrif buyuruvchilar uchun vaqtinchalikka yopilgan.
Shuningdek, xabarda minora texnik xodimlari o‘t o‘chiruvchilar bilan birgalikda hodisa sabablarini aniqlashga harakat qilayotgani aytilgan.
