ESPN yilning eng yaxshilarini aniqladi
Sport
−
27 dekabr 871
Braziliya terma jamoasi va “Real Madrid” klubi vingeri Vinisius yilning eng yaxshi futbolchisi deb topildi. Bu haqda ESPN xabar berdi.
Nashr talqiniga ko‘ra, “qirollik klubi” qanot hujumchisi Vinisius yilning eng yaxshi futbolchisi, klub ustozi Karlo Anchelotti eng yaxshi murabbiyi, deb topildi.
Shuningdek, yakuniga yetib borayotgan yilning eng yaxshi terma jamoasi Ispaniya, “Barselona” iqtidori Lamin Yamal yilning eng yaxshi yosh futbolchisi deya e’tirof etildi.
Yevropa Chempionlar ligasi chorak finalidan o‘rin olgan “Real” – “Manchester Siti” (3:3) yil o‘yini bo‘ldi.
Ayollar futbolida ham munosiblar aniqlandi. Unga ko‘ra, Aytana Bonmati (“Barselona”) yilning eng yaxshi futbolchisi bo‘ldi. Eng yaxshi klub sifatida “Barselona”, eng yaxshi murabbiy deb esa Emma Xeys (“Chelsi”, AQSH terma jamoasi) e’tirof etildi.
