Ertaga Toshkentdagi bir nechta mahallalar elektr ta’minotidan vaqtincha uziladi

Ertaga, 19 iyul kuni poytaxtning bir nechta mahallalari elektr energiyasidan uzib qo‘yiladi. Bu haqda “Hududiy elektr tarmoqlari” aksiyadorlik jamiyati Toshkent shahar filiali matbuot xizmati xabar berdi.

Unga ko‘ra, iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariya holatlarining oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr ta’minoti vaqtinchalik o‘chiriladi:

•  Yakkasaroy tumani: “Abdulla Qahhor” MFYning qisman hududidagi ayrim ko‘chalarida soat 09:00 dan 16:00 gacha;

•  Chilonzor tumani: “Lutfiy” MFYning ayrim ko‘chalarida soat 09:00 dan 17:00 gacha.

“O‘z navbatida yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.

Shuningdek, “Hududiy elektr tarmoqlari” AJ Toshkent shahar filiali mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi aholidan uzr so‘ragan.

Eslatib o‘tamiz, bugun, 18 iyul kuni  elektr uzatish liniyalarining yuklanganlik darajasi ortib ketishi oqibatida Yunusobod tumanining ayrim hudlari 2 soatga elektr tarmog‘idan uzib qo‘yilgan edi. Shuningdek, Uchtepa, Yakkasaroy va Yashnobod tumanlarida ham mavsumoldi ta’mirlash ishlari olib borilayotgani sababli “svet” o‘chirilgan.