Ertaga Nursulton Ro‘ziboyev AQSHda navbatdagi jangini o‘tkazadi

O‘rta vazn toifasida o‘zbekistonlik UFC jangchisi Nursulton Ro‘ziboyev promoushendagi navbatdagi jangida amerikalik Erik Makkonikoga qarshi oktagonga ko‘tariladi.

23 fevral tongida AQSH poytaxti Vashington shahrida UFC o‘zining navbatdagi UFC Fight Night turnirini o‘tkazadi. Ushbu oqshomning markaziy jangida promoushenning eng yengil vazn toifasi vakillari sobiq ikki karra  chempion Genri Sexudo xitoylik Song Ya Dongga qarshi oktagonga chiqadi. Kechaning prelim kardida o‘rta vazn toifasi vakillari o‘zbekistonlik Nursulton Ro‘ziboyev amerikalik Erik Makkaniko o‘zaro jang qiladi. Ro‘ziboyev ishtirokidagi jang Toshkent vaqti bilan 23 fevral kuni taxminan 4:30 dan keyin start oladi.

Ma’lumot o‘rnida, Nursulton Ro‘ziboyev promoushenda 3 ta jang o‘tkazgan va shundan 2 ta g‘alaba, 1 mag‘lubiyat qayd etgan. So‘nggi bor u 2024 yilning may oyida oktagonga chiqgan va o‘shanda amerikalik Xoakin Bakliga ochkolar hisobiga ko‘ra mag‘lub bo‘lgandi.