Ertadan Toshkentdagi ayrim ko‘chalar ikki kun davomida yopiladi

Joriy yilning 23 hamda 25 iyun kunlar oralig‘ida poytaxt Toshkentning bir nechta asosiy ko‘chalaridagi yo‘llar yopiladi. Bu haqda Toshkent shahar hokimligi Matbuot xizmati xabar berdi.

Unda aytilishicha, joriy yilning 23 va 25 iyun kunlari oralig‘ida Toshkent shahrida ommaviy yugurish musobaqalari hamda Xalqaro Olimpiya kuniga bag‘ishlangan tadbirlar o‘tkazilishi munosabati bilan quyidagi manzillarda avtomobillarning harakatlanishi to‘xtiladi:

23 iyun kuni soat 00:00 dan 25 iyun kuni soat 10:00 gacha:

• Afrosiyob ko‘chasining Islom Karimov shoh ko‘chasi bilan kesishgan chorrahasidan Afrosiyob ko‘chasi bo‘ylab Beshyog‘och ko‘chasi bilan kesishmasigacha;

25 iyun kuni soat 5:00 dan soat 8:00 gacha:

• Afrosiyob ko‘chasining Islom Karimov shoh ko‘chasi bilan kesishgan chorrahasidan Afrosiyob va Oybek ko‘chalari bo‘ylab Oybek va Nukus ko‘chalari kesishmasigacha;
• Oybek va Nukus ko‘chalari kesishmasidan Nukus ko‘chasi bo‘ylab Rim katolik cherkovigacha transport vositalari harakati cheklanadi.