Eron-O‘zbekiston o‘yinini ummonlik hakam boshqaradi
Sport
−
24 mart 5324
2026 yilgi Jahon chempionati saralashi 3-bosqich “A” guruhi 8-turidan o‘rin olgan Eron-O‘zbekiston o‘yinini ummonlik Ahmad Al-Kaf boshchiligidagi hakamlar guruhi boshqarib boradi.
E’tiborlisi, 42 yoshli hakam shu vaqtga qadar O‘zbekiston terma jamoalarining 3 ta o‘yinida ishlagan va hech birida o‘zbekistonlik futbolchilar mag‘lubiyatga uchramagan. Faqatgina Kaf hakamlik qilgan “Al-Fayha” va “Paxtakor” klublari o‘rtasidagi bahsda saudiyaliklarning qo‘li baland kelgan.
O‘zbek futboli uchun tarixiy g‘alaba sifatida tarixga muhrlangan 2018 yilgi U-23 Osiyo kubogi finali doirasida O‘zbekiston-Vetnam o‘yinida ham aynan Al-Kaf ishlagan va qorli finalda “oq bo‘rilar” g‘alaba qozongan.
Eslatib o‘tamiz, avvalroq Eron matbuotida O‘zbekiston terma jamoasining legioner futbolchilari haqida maqola e’lon qilingandi.
