Эрон-Ўзбекистон ўйинини уммонлик ҳакам бошқаради

Спорт

−

24 Март visibility7083 timer1 дақиқа

2026 йилги Жаҳон чемпионати саралаши 3-босқич “A” гуруҳи 8-туридан ўрин олган Эрон-Ўзбекистон ўйинини уммонлик Аҳмад Ал-Каф бошчилигидаги ҳакамлар гуруҳи бошқариб боради.

Эътиборлиси, 42 ёшли ҳакам шу вақтга қадар Ўзбекистон терма жамоаларининг 3 та ўйинида ишлаган ва ҳеч бирида ўзбекистонлик футболчилар мағлубиятга учрамаган. Фақатгина Каф ҳакамлик қилган “Ал-Файҳа” ва “Пахтакор” клублари ўртасидаги баҳсда саудияликларнинг қўли баланд келган.

Ўзбек футболи учун тарихий ғалаба сифатида тарихга муҳрланган 2018 йилги U-23 Осиё кубоги финали доирасида Ўзбекистон-Вьетнам ўйинида ҳам айнан Ал-Каф ишлаган ва қорли финалда “оқ бўрилар” ғалаба қозонган.

Эслатиб ўтамиз, аввалроқ Эрон матбуотида Ўзбекистон терма жамоасининг легионер футболчилари ҳақида мақола эълон қилинганди.

Мақола муаллифи