Eron uchta atom bombasini yaratishga qodir – “Reuters”
Olam
−
16 noyabr 2023 5541
Eronda allaqachon 60 foizgacha boyitilgan 128,3 kg uran bor. Bu haqda kecha, 15 noyabr kuni Atom energiyasi bo‘yicha xalqaro agentlik (MAGATE) maxfiy hisobotiga tayanib, “Reuters” agentligi xabar berdi.
Hisob-kitoblarga ko‘ra, 90 foizgacha boyitilgan ushbu moddaning 42 kg ga yaqini atom bombasini yaratish uchun nazariy jihatdan yetarli. Shunday qilib, Eronning uran zaxiralari keyingi boyitish sharti bilan uchta atom bombasini yaratish uchun yetarli.
"Bu juda katta miqdor, ayniqsa, agar u shu paytgacha ishlatilmagan bo‘lsa", deydi “Reuters” xabariga izoh bergan yuqori martabali amerikalik diplomat.
Uning qo‘shimcha qilishicha, Eron dunyodagi uranni atom quroli ishlab chiqarmasdan yuqori darajada boyitgan yagona davlatdir.
Shu bilan birga, MAGATE ma’lumotlariga ko‘ra, yaqinda Eronda har oy o‘rtacha 3 kg ga yaqin uran 60 foizgacha boyitiladi. Joriy yil boshida bu ko‘rsatkich 9 kg ga yetgan.
Diplomatik manbalar buning sekinlashishini Tehron va Vashington o‘rtasidagi bilvosita muzokaralar bilan bog‘laydi, ularning yana biri sentyabr oyida mahbuslar almashinuvi bilan yakunlangan.
Live
Barchasi
