Erdo‘g‘an Putinga yetisholmay hasratda. Uchrashuvning taxminiy vaqti aytildi

Turkiya va Rossiya Prezidentlari Rajab Toyib Erdo‘g‘an va Vladimir Putin o‘rtasidagi uchrashuv avgust oyi oxiri yoki sentyabr boshida bo‘lib o‘tishi mumkin. Bu haqda Turkiya yetakchisi ma’muriyatidagi o‘z muxbiriga tayanib, “A Haber” telekanali xabar berdi.

Aytilishicha, Erdo‘g‘an hamon Rossiya Prezidentining Turkiyaga kelishini kutmoqda. Biroq, agar Putin Turkiyaga kelmasa, "Erdo‘g‘anning safari" ham istisno qilinmaydi Telekanal Prezidentlarning uchrashuvi uchun aniqroq sanani aytmagan, u Anqarada “avgust oxiri – sentyabr boshida” kutilayotganini bildirilgan.

Erdo‘g‘an va Putinning muzokaralarida Rossiya 18 iyul kuni chiqib ketgan don kelishuvini qayta tiklash masalasi ko‘rib chiqilishi kutilmoqda. 

Qayd etish joziki, joriy yilning 4 avgust kuni Erdo‘g‘an jurnalistlarga Putinning Turkiyaga tashrifi ehtimoli haqida gapirar ekan, tashrifning aniq sanasi hozircha belgilanmagani va diplomatik kanallar orqali kelishib olinishini bildirgan. Kreml matbuot kotibi Dmitriy Peskov ham Putin va Erdo‘g‘anning uchrashuv joyi va aniq sanasi diplomatik kanallar orqali kelishilishini tasdiqlagan. 11 avgustda esa Peskov uchrashuv joyi muhokama qilinishi, bu Turkiya bo‘lishi shart emasligini aytgan.

Ma’lumot uchun, Erdo‘g‘an 20 avgust kuni Vengriyaga tashrif buyuradi. 9-10 sentyabr kunlari esa G20 sammitida ishtirok etish uchun Hindistonga boradi. 17-21 sentyabr kunlari Turkiya rahbari BMT Bosh Assambleyasi tadbirlarida ishtirok etish uchun AQSHda mehmon bo‘lishi rejalashtirilgan. 

Eslatib o‘tamiz, 2 avgust kuni Rossiya va Turkiya Prezidentlari telefon orqali muloqot o‘tkazgan va ehtimoliy uchrashuvga tayyorgarlik ko‘rishga kelishib olgandi.