Erdo‘g‘an Putin bilan Ostonada uchrashishni rejalashtirmoqda
Olam
−
24 iyun
5546Turkiya Prezidenti Rajab Toyib Erdo‘g‘an yaqin kunlarda Ostonada Rossiya yetakchisi Vladimir Putin bilan uchrashadi. Muzokaralar o‘tkazish niyatini Turkiya Tashqi ishlar vaziri Xoqon Fidan tasdiqladi.
“Yaqin kunlarda janob Prezident Qozog‘istonda janob Putinning o‘zi bilan uchrashishi mumkin”, deydi Fidan.
Tashqi ishlar vaziri Turkiya Rossiya rahbarining tashrifini kutayotganini aytdi. Uning so‘zlariga ko‘ra, Putinning respublikaga safari davlat rahbarlarining bo‘lajak uchrashuvida muhokama qilinishi mumkin.
Rossiya Prezidenti matbuot kotibi Dmitriy Peskov RIA Novosti'ga Putin va Erdo‘g‘anning Qozog‘iston poytaxti Ostona shahrida uchrashuv o‘tkazish imkoniyati o‘rganilayotganini tasdiqladi.
Turkiyaning “Habertürk” telekanalining xabar qilishicha, Erdo‘g‘an rossiyalik mavqedoshi bilan 3-4 iyul kunlari Ostona shahrida bo‘lib o‘tadigan Shanxay hamkorlik tashkiloti sammiti doirasida uchrashishi kutilmoqda.
LiveBarchasi
22 Oktabr