Endi Madaniyat vazirligi xodimlari ishga do‘ppida keladi
Madaniyat-san’at
−
08 dekabr 2021 23377
O‘zbekiston Madaniyat vazirligi xodimlari endilikda ishga o‘zbek milliy bosh kiyimi do‘ppida kelishadi. Bu haqda vazir Ozodbek Nazarbekov ma’lum qildi.
“O‘zbekiston Konstitutsiyasining qabul qilinganining 29 yilligi munosabati bilan barchangizni tabriklayman. Ushbu imkoniyatdan foydalanib, biz – Madaniyat vazirligi xodimlari ish faoliyatimiz davomida bugundan boshlab do‘ppi kiyishni rejalashtirdik”, deydi vazir Nazarbekov.
U so‘zida davom etarkan, mazkur tashabbus orqali vazirlik xodimlari milliy an’analarni targ‘ib etishda namuna ko‘rsatishni maqsad qilganini qayd etgan.
“Barcha soha vakillarini, ijodkorlarni, vatan fidoyilarini, ko‘ngillilarni ushbu tashabbusni qo‘llab-quvvatlashga chaqirib qolaman”, deya so‘zini yakunlagan Ozodbek Nazarbekov.
Live
Barchasi
