Endi kontrakt to‘lay olmagan talaba o‘qishdan chetlatilmaydi
Jamiyat
−
08 avgust 2020 17019
2020-2021 o‘quv yilidan to‘lov-kontrakt asosida o‘quvchi talaba pulni to‘lay olmaydigan vaziyatda bo‘lsa, u o‘qishdan chetlatilmaydi. Bu haqda Oliy va o‘rta maxsus ta’lim vaziri Inomjon Majidov matbuot anjumanida aytib o‘tdi.
“Agar talabaning vaziyati og‘ir bo‘lsa, talabaning qurbi to‘lashga yetmasa, oliy o‘quv yurti vaziyatni o‘rganib chiqib, shu talabaga yordam berib, kontraktni qoplash chorasi ko‘riladi”, dedi vazir.
Qayd etilishicha, talaba endilikda kontraktni to‘lay olmasa, u chetlatilmaydi, balki kursdan-kursga qoldirilishi masalasi ko‘rib chiqiladi.
Bunda OTM tomonidan vaziyat to‘liq o‘rganilgach, qaror qabul qilinadi.
Eslatib o‘tamiz, yangi o‘quv yili OTMlarda yuqori kurs (2-kursdan boshlab) talabalari uchun masofaviy boshlanadi. Epidemiologik vaziyat yaxshilansa, an’anaviy ta’lim tizimiga qaytish masalasi ko‘rib chiqiladi.
Live
Barchasi07 noyabr 2023
07 noyabr 2023
07 noyabr 2023
