Endi inson a’zolarini transplantatsiya qilishga majburlaganlar 8 yilgacha qamaladi
Jamiyat
−
24 iyun 2022 4824
Inson a’zolarini transplantatsiya qilishga majburlaganlik uchun jinoiy javobgarlik belgilandi. Bu haqda O‘zbekiston Prezidenti imzolagan qonunda belgilangan.
Qonun bilan Jinoyat kodeksiga kiritilgan o‘zgartishga ko‘ra, insonni undan a’zolarini va (yoki) to‘qimalarini transplantatsiya uchun olishga rozilik berishga majburlaganlik uchun javobgarlik belgilandi va bu qilmish og‘irlashtiruvchi holatlarda 5 yildan 8 yilgacha ozodlikdan mahrum qilish bilan jazolanadi.
Inson a’zolarining va (yoki) to‘qimalarining oldi-sotdisi bilan shug‘ullanganlik, shuningdek ularni O‘zbekistondan tashqariga olib chiqib ketganlik uchun ham jinoiy javobgarlik belgilandi.
Mazkur jinoyatlar bilan bog‘liq dastlabki tergov ichki ishlar organlari tomonidan olib boriladi.
Ushbu qonun rasmiy e’lon qilingan kundan e’tiboran kuchga kiradi.
Live
Barchasi
