Elektromobillar uchun 10 daqiqada quvvatlanadigan akkumulyator ishlab chiqariladi

Yaponiyaning Toyota kompaniyasi elektromobillar uchun rekord darajada tez quvvatlanadigan akkumulyator ishlab chiqarmoqchi. Bu haqda “Financial Times” xabar berdi.

Korporatsiya vakillari elektromobillar uchun akkumulyatorlarni ishlab chiqishda katta muvaffaqiyatga erishganliklarini aytdi. Firma muhandislarining so‘zlariga ko‘ra, yangi texnologiya ularga 1200 kilometr masofani bosib o‘tadigan qattiq holatda akkumulyator ishlab chiqarish imkonini beradi.

Toyota shuningdek, akkumulyatorning zaryadlash tezligi rekord darajada bo‘lishini bildirdi. Muayyan shartlar bajarilsa, batareya 10 daqiqa yoki undan kamroq vaqt ichida 100 foizga quvvatlana oladi. Korporatsiya 2027 yilgacha elektromobillar uchun yangi akkumulyatorlar ishlab chiqarishni yo‘lga qo‘yishga umid qilayotganini aytdi.

Mutaxassislarning so‘zlariga ko‘ra, qattiq holatdagi batareyalar nazariy jihatdan tezroq quvvatlanishi va uzoq masofani ta’minlashi mumkin. Bundan tashqari, bunday batareyalardan foydalanish xavfsizroq, ammo ularning ishlab chiqarilishi klassik batareyalarni yaratishga qaraganda ancha murakkab va qimmatroq.

“Agar bu haqiqiy yutuq bo‘lsa, bu o‘yinni o‘zgartiruvchi, akkumulyatorli avtomobillarning muqaddas g‘ilofi bo‘lishi mumkin”, dedi Birmingem universitetining iqtisod professori Devid Beyli Toyota postida.

Aytish joiz, joriy yilning aprel oyida Toyota vakillari elektromobillar uchun akkumulyatorlar narxini ikki baravar kamaytirish istagini bildirgan edi. Tegishli akkumulyatorlarning chiqarilishi 2027 yilga mo‘ljallangan.