Eldor Shomurodov “Yuventus”ga qarshi o‘yinni asosiy tarkibda boshlashi mumkin
Sport
−
17 Oktabr 2021 6361
Bugun, 17 sentyabr kuni Italiya A seriyasining 8-turi doirasida Turinning “Yuventus” klubi o‘z maydonida Rimning “Roma”sini qabul qiladi. O‘zbekistonlik Eldor Shomurodov bahsni asosiy tarkibda boshlashi mumkin. Sababi uning hujumdagi sherigi Temmi Abraham jarohat olgan va maydonga tushishi so‘roq ostida.
“Roma” mavsum boshidagi g‘alabali holatga qaytib olish uchun ham, bugun turinliklarni mag‘lub etishi kerak. Aks holda “viskixo‘r” Joze jamoasi chempionlik uchun kurash poygasida ortda qolib ketishi mumkin.
“Yuve” so‘nggi 5 o‘yindan buyon g‘alaba qayd etayotgan bo‘lsa-da chempionatda 7-o‘rinda bormoqda va yetakchi “Milan”dan 11 ochko ortda qolib ketgan. Joriy mavsum avvalida xarid qilingan yarim himoyachi Manuel Lokatelli o‘tgan turda – Turin derbisida urgan goli orqali jamoaga moslasha olganini ko‘rsatdi. Ketma-ket g‘alabali o‘yinlar sovuqqon Allegri va uning jamoasiga nisbatan bosimni biroz kamaytirdi.
“Zebralar” “Alyans stedium”da o‘tkazilgan so‘nggi 10 ta bahsning 9 tasida “bo‘rilar”ni mag‘lub etgan. Bu safar Mourino faktori va turnir jadvalidagi joylashuv (“bo‘rilar” 4-o‘rinda) o‘yinda yaqqol favorit yo‘qligidan dalolat beradi.
Tahminiy tarkiblar:
“Yuventus”: Shensni, Danilu, Bonuchchi, De Lixt, Sandro, Kuadrado, Bentankur, Lokatelli, Bernardeski, Keza, Kin.
“Roma”: Patrisiu, Karsdorp, Manchini, Ibanes, Vinya, Kristante, Veretu, Zanolo, Pellegrini, Mxitaryan, Shomurodov.
Ma’lumot uchun, “Yuventus” va “Roma” bahsi Toshkent vaqti bilan soat 23:45 da start oladi.
